மோசஸ் மைக்கேல் ஃபாரடே இந்தியாவின் சென்னையைச் சேர்ந்த தமிழ்க் கிறித்தவ அறிஞர். குட்நியூஸ் சேனலின் முயற்சியான நம்பிக்கை தொலைக்காட்சி நிறுவனத்தில் நிகழ்ச்சி ஆலோசகராகத் தற்போது பணியாற்றி வருகிறார். சென்னை கிறித்தவக் கல்லூரியின் தமிழ்த்துறைத் தலைவராகவும், மனிதவியல் புலத்தின் முதன்மையராகவும் பணியாற்றியவர்.

சித்த இலக்கியத்தையும் விவிலியத்தையும் ஒப்பிட்டு ஆய்ந்த முன்னோடிப் பணிக்காகத் தமிழில் முனைவர் பட்டம் பெற்றவர். இந்தியாவிலும் வெளிநாடுகளிலும் அனைத்துச் சபைப் பிரிவுத் திருச்சபைகளிலும் அங்கீகரிக்கப்பட்ட பிரசங்கியார். தமிழ் இலக்கிய அரங்குகளிலும், பல தமிழ் வானொலி மற்றும் தொலைக்காட்சி நிலையங்களிலும் விரும்பிக் கேட்கப்படும் பேச்சாளர்.

தமிழ் இலக்கியம், ஒப்பீட்டுச் சமயவியல், கிறித்தவ இறையியல், உயர்கல்வி ஆகிய துறைகளில் சிறந்து விளங்கும் எழுத்தாளர், பதிப்பாளர், ஆய்வறிஞர், மொழிபெயர்ப்பாளர், இதழாளர். உலகக் கிறித்தவத் தமிழ்ச் சங்கம் போன்ற பல இலக்கிய, கிறித்தவ அமைப்புகளில் முக்கியப் பொறுப்புகளை வகிக்கும் குறிப்பிடத்தக்க கிறித்தவத் தலைவர்.

பணித் துறைகள்